«Манчестер Юнайтед»нинг собиқ ҳимоячиси Рио Фердинанд ЖЧ-2026 1/4 финалидан ўрин олган Англия ва Норвегия (2:1) терма жамоалари ўртасидаги учрашувда Англия ярим ҳимоячиси Эллиот Андерсонни энг яхши футболчи деб билди. Гарчи ўйинда дубль қайд этган Жуд Беллингем расман «учрашувнинг энг яхши футболчиси» деб топилган бўлса-да, Фердинанд ўз фикрида қолди.

«Ҳа, мен Андерсонни танлаган бўлардим. Менимча, Эллиот Андерсон ажойиб ўйин кўрсатди. Икки футболчининг — ҳам Эллиот, ҳам Беллингемнинг ҳал қилувчи ҳаракатларисиз ғалаба қўлга киритилмаслиги мумкин эди, шунинг учун бу ерда иккаласининг ҳам ҳиссаси бор. Аммо эшитинг, менда ҳеч қандай шубҳа йўқ: агар Жуд «учрашувнинг энг яхши футболчиси» унвонини олган бўлса, демак у бунга лойиқ. У ғалаба келтирувчи футболчи», — дея Фердинанднинг сўзларидан иқтибос келтиради Metro.

ЖЧ-2026 ярим финалида Англия терма жамоаси чорак финалда Швейцарияни 3:1 ҳисобида мағлуб этган Аргентина билан тўқнаш келади. Учрашув 15 июль куни АҚШнинг Атланта шаҳридаги «Мерседес-Бенц Стэдиум»да бўлиб ўтади. Ўйин Тошкент вақти билан соат 00:00 да бошланади.