Уругвайлик машҳур собиқ ҳужумчи Диего Форлан мамлакат бош жамоасини бошқарадиган бўлди.
Маълум қилинишича, таниқли мутахассис миллий терма жамоадаги масъулиятни ўзининг амалдаги лавозими билан биргаликда олиб боради.
"Диего Форлан Уругвай миллий терма жамоаси бош мураббийи вазифасини бажарувчи этиб тайинланди. Мутахассис ушбу лавозимни U-20 жамоасидаги фаолияти билан бир аснода олиб боради — у ҳар икки терма жамоани келаси йилнинг мартига қадар бошқаради", — дейилади хабарда.
Эслатиб ўтамиз, Диего Форлан футболчилик фаолияти давомида Уругвай терма жамоаси билан ЖЧ-2010 тўпурари ва энг яхши футболчиси бўлган, шунингдек, 2011 йилда Америка Кубогида зафар қучган.
Маълумот ўрнида, ЖЧ-2026'даги муваффақиятсизликдан сўнг Марсело Бьелса термадан истеъфога чиқарилганди.
