Бугун ЖЧ-2026 доирасидаги Испания ва Франция терма жамоалари ўртасидаги биринчи ярим финал учрашуви бўлиб ўтади. Ўйинолди матбуот анжуманида журналистлар «қизил фурия» бош мураббийи Луис де ла Фуэнтедан Педри ва Фабиан Руис ўртасидаги танлов ҳақида сўрашди.
«Улардан қайси бири асосий таркибда майдонга тушади? Биз учун ярим ҳимоячилар ўртасидаги ҳамкорлик жуда муҳим. Педри ва Фабиан турлича ўйинчилар экани жуда яхши, шунинг учун балки уларни ҳатто биргаликда майдонга туширармиз», — дея жавоб берди испаниялик мутахассис.
Эслатиб ўтамиз, Бельгияга қарши чорак финал ўйинида (2:1) асосий таркибдан Руис жой олган эди. Педри эса 55-дақиқада айнан «ПСЖ» ярим ҳимоячисини алмаштирган ҳолда майдонга тушганди.
