Bugun JCH-2026 doirasidagi Ispaniya va Fransiya terma jamoalari o‘rtasidagi birinchi yarim final uchrashuvi bo‘lib o‘tadi. O‘yinoldi matbuot anjumanida jurnalistlar «qizil furiya» bosh murabbiyi Luis de la Fuentedan Pedri va Fabian Ruis o‘rtasidagi tanlov haqida so‘rashdi.
«Ulardan qaysi biri asosiy tarkibda maydonga tushadi? Biz uchun yarim himoyachilar o‘rtasidagi hamkorlik juda muhim. Pedri va Fabian turlicha o‘yinchilar ekani juda yaxshi, shuning uchun balki ularni hatto birgalikda maydonga tushirarmiz», — deya javob berdi ispaniyalik mutaxassis.
Eslatib o‘tamiz, Belgiyaga qarshi chorak final o‘yinida (2:1) asosiy tarkibdan Ruis joy olgan edi. Pedri esa 55-daqiqada aynan «PSJ» yarim himoyachisini almashtirgan holda maydonga tushgandi.
