«Барселона» ҳимоячиси Жерар Мартин Лионель Мессининг 2026 йилги Жаҳон чемпионатидаги ўйинидан ҳайратда қолганини тан олди. Аргентина терма жамоаси сардори мундиал давомида 39 ёшини нишонлади, аммо ўз кучли фазилатларини йўқотмаган: «албиселесте» ҳамон ўйинни унинг атрофида муваффақиятли қуришмоқда ва бу уларга ярим финалга чиқиш имконини берди.
«ЖЧ-2026 да ким мени ҳайратда қолдирди? Месси. Мен мавсум давомида уни у қадар кузатмаган эдим, аммо у турнирга ажойиб спорт формасида келди. Месси ким эканини барчамиз биламиз, лекин у ҳеч қачон ҳайратлантиришдан тўхтамайди», — деди Мартин Mundo Deportivo нашрига берган интервьюсида.
15 июль куни аргентиналиклар Жаҳон чемпионати ярим финалида Англияга қарши ўйнайди.
Лионель Месси турнир тўпурарлари пойгасида Килиан Мбаппе билан биргаликда етакчилик қилмоқда — ҳар иккиси ҳам саккизтадан гол урган.
