Испания терма жамоаси ярим ҳимоячиси Фабиан Руис ЖЧ-2026 ярим финалида Франция терма жамоаси юлдузи Майкл Олисега қарши ишончли ўйин кўрсатган жамоадоши Марк Кукурельяни мақтади.
Испанлар сешанба кунги учрашувда 2:0 ҳисобида ғалаба қозонишди. «Уч ранглилар»нинг хавфли ҳужумлари Унаи Симон дарвозасини ишғол эта олмади. RMC Sport нашри хабар беришича, финал ҳуштагидан сўнг Руис Кукурельяга шундай деди: «Олисени чўнтагингдан чиқар. Сен уни «еб» қўйдинг!»
Голларга Микел Оярсабаль ва Педро Порро муаллифлик қилишди. Финалда Испания терма жамоаси бугун аниқланадиган Аргентина — Англия жуфтлиги ғолибига қарши майдонга тушади. Чемпионат ғолиби 19 июль куни аниқ бўлади.
