«Манчестер Юнайтед»нинг собиқ сардори Рой Кин ЖЧ-2026 доирасидаги Англия ва Аргентина терма жамоалари ўртасидаги ярим финал баҳси олдидан ўз фикрларини билдириб ўтди.
«Менинг фикрим: Англия аргентиналикларни мағлуб эта олмайди. Бу қарама-қаршиликда жуда кўп омиллар мавжуд. Зич футболда амалдаги чемпион рақибини "эзиб" қўя олади», — дея ирландиялик футболчининг сўзларини келтиради Daily Mirror.
Англия ва Аргентина ўртасидаги ўйин бугун, 15 июль куни Атланта шаҳридаги стадионда бўлиб ўтади. Ўйин Тошкент вақти билан соат 00:00 да (16 июль кунига ўтар кечаси) бошланиши режалаштирилган.
Бўлажак баҳс ғолиби мундиал финалида Испания терма жамоаси билан тўқнаш келади. Турнирнинг ҳал қилувчи ўйини 19 июль, якшанба куни бўлиб ўтади.
