Аргентина терма жамоаси марказий ҳимоячиси Лисандро Мартинес ЖЧ-2026 ярим финалида Англия устидан қозонилган ғалабадан (2:1) сўнг жамоа сардори Лионель Месси ҳақида фикр билдирди.
Лионель Скалони шогирдлари 85-дақиқагача ҳисобда ортда қолаётган эди, бироқ яна бир бор вазиятни ўнглай олди: аввалига Энцо Фернандес ҳисобни тенглаштирди, қўшиб берилган дақиқаларда эса Лаутаро Мартинес ғалаба тўпини киритди. Иккала ҳолатда ҳам голли узатмани Месси амалга оширди.
«Лео — бизнинг етакчимиз. Етакчингизнинг қандай ўйин кўрсатаётганини, қандай курашаётганини ва қандай югураётганини кўрганингизда, унинг учун бор кучингизни 100 фоиз сарфлашдан бошқа илож қолмайди. Мана шунинг учун ҳам биз Месси билан бу лаҳзаларни баҳам кўраётганимиздан шунчалик фахрланамиз», — дея Лисандро Мартинеснинг сўзларини келтиради The Touchline.
19 июль куни аргентиналиклар финалда Испанияга қарши майдонга тушади.
