Аргентина терма жамоаси ҳужумчиси Лионель Месси ЖЧ-2026 финалида Испанияга қарши бўлиб ўтадиган ўйин ҳақидаги саволга жавоб берди.
Аргентиналиклар Англияни мағлуб этиб, ярим финалда учрашув якунида урилган иккита гол эвазига ғалаба қозонишди (2:1). Месси иккита голли узатмани амалга оширди. Бир кун олдин Испания Франциядан устун келиб (2:0), финалга чиққан биринчи жамоага айланган эди.
«Охирги қадам қолди, биргина ўйин. Биз курашишда давом этамиз ва ҳаммасини қиламиз. Испания терма жамоасининг кўплаб ўйинчиларини биламан. Уларнинг аксарияти «Барселона»да тўп суради — мен бу клубни жуда яхши кўраман ва ҳалигача кузатиб бораман», — дея 39 ёшли футболчининг ўйиндан кейинги интервьюдаги сўзларини келтиради The Touchline.
Лионель Месси фаолиятининг бошидан то 2021 йилгача «Барселона» сафида тўп сурган.
Жаҳон чемпионати финали 19 июль куни бўлиб ўтади.
