Argentina terma jamoasi hujumchisi Lionel Messi JCH-2026 finalida Ispaniyaga qarshi bo‘lib o‘tadigan o‘yin haqidagi savolga javob berdi.
Argentinaliklar Angliyani mag‘lub etib, yarim finalda uchrashuv yakunida urilgan ikkita gol evaziga g‘alaba qozonishdi (2:1). Messi ikkita golli uzatmani amalga oshirdi. Bir kun oldin Ispaniya Fransiyadan ustun kelib (2:0), finalga chiqqan birinchi jamoaga aylangan edi.
«Oxirgi qadam qoldi, birgina o‘yin. Biz kurashishda davom etamiz va hammasini qilamiz. Ispaniya terma jamoasining ko‘plab o‘yinchilarini bilaman. Ularning aksariyati «Barselona»da to‘p suradi — men bu klubni juda yaxshi ko‘raman va haligacha kuzatib boraman», — deya 39 yoshli futbolchining o‘yindan keyingi intervyudagi so‘zlarini keltiradi The Touchline.
Lionel Messi faoliyatining boshidan to 2021 yilgacha «Barselona» safida to‘p surgan.
Jahon chempionati finali 19 iyul kuni bo‘lib o‘tadi.
