Англия терма жамоасининг афсонавий ҳужумчиси Уейн Руни Жуд Беллингемни ЖЧ–2026нинг энг яхши футболчиси деб атади.

“Дунёнинг энг яхши футболчиси ҳақида гап кетганда, кўпчилик Мбаппе ёки Холандни тилга олади. Беллингем бу мавсум "Реал”да ҳали уларнинг даражасига тўлиқ чиқмади.

Аммо менинг назаримда, айнан Жуд ушбу жаҳон чемпионатининг энг яхши футболчиси бўлди.

У энергия, иштиёқ ва ғалабага чанқоқлик тимсоли. Шу фазилатлари эвазига меҳнатининг самарасини оляпти. Бундай характер жуда кам учрайди.

Кўплаб топ футболчилар вазият яратишда асосан ўз маҳорати ва техникасига таянади. Жуд эса доимо курашишга тайёр, оч ва ғалабани жуда истайди. Унинг ўйинини томоша қилиш завқ бағишлайди.

Мухлислар айнан шундай футболчиларни кўришни хоҳлайди. Айниқса, Англия мухлислари футболчиларнинг жамоа ва герб учун охиригача курашишини қадрлайди.

У менга ўзимни эслатади. Бир дақиқа: “Бу йигит даҳо”, деб ўйлайсан. Кейинги дақиқада эса: “Курашда эҳтиёт бўл, қизил карточка олма”, дейсан.

Мен ҳам шундай эдим. Аммо Жуд буни энг муҳим турнирда исботлай олди. У ҳақидаги барча шубҳаларга жавоб берди", — деди Руни.

Эслатиб ўтамиз, Англия ЖЧ–2026 ярим финалида Аргентинага 1:2 ҳисобида мағлуб бўлиб, турнирни тарк этди.