Британиянинг Оpta таҳлилий компанияси суперкомпьютери 2026-йилги ФИФА Жаҳон чемпионати финалида Испания терма жамоасини Аргентинадан устун кўрмоқда. Бу ҳақда Оpta расмий сайти хабар берди.
Суперкомпьютер ҳисоб-китобларига кўра, Испаниянинг чемпион бўлиш эҳтимоли 56,31 фоиз, Аргентинаники эса 43,69 фоизни ташкил этмоқда. Финал учрашуви 19-июль оқшомида бўлиб ўтади.
Маълумот учун, Аргентина ярим финалда Англияни 2:1 ҳисобида мағлуб этиб, кетма-кет иккинчи бор Жаҳон чемпионати финалига чиқди. Испания эса Францияни 2:0 ҳисобида таслим этиб, ҳал қилувчи баҳсга йўл олди. Қизиғи шундаки, яримфинал бошланишидан аввал айнан Франция Оpta суперкомпьютери талқинига кўра турнирнинг асосий фаворити ҳисобланаётган эди.
Яримфиналда Испания Францияни 2:0 ҳисобида мағлуб этди. Аргентина эса Англия устидан 2:1 ҳисобида устун келди.
2026-йилги ФИФА Жаҳон чемпионати АҚШ, Канада ва Мекцикада бўлиб ўтмоқда. Мусобақа тарихида илк бор унда 48 та терма жамоа иштирок этмоқда. Амалдаги Жаҳон чемпиони эса Аргентина ҳисобланади.
