Britaniyaning Opta tahliliy kompaniyasi superkompyuteri 2026-yilgi FIFA Jahon chempionati finalida Ispaniya terma jamoasini Argentinadan ustun ko‘rmoqda. Bu haqda Opta rasmiy sayti xabar berdi.

Superkompyuter hisob-kitoblariga ko‘ra, Ispaniyaning chempion bo‘lish ehtimoli 56,31 foiz, Argentinaniki esa 43,69 foizni tashkil etmoqda. Final uchrashuvi 19-iyul oqshomida bo‘lib o‘tadi.

Ma’lumot uchun, Argentina yarim finalda Angliyani 2:1 hisobida mag‘lub etib, ketma-ket ikkinchi bor Jahon chempionati finaliga chiqdi. Ispaniya esa Fransiyani 2:0 hisobida taslim etib, hal qiluvchi bahsga yo‘l oldi. Qizig‘i shundaki, yarimfinal boshlanishidan avval aynan Fransiya Opta superkompyuteri talqiniga ko‘ra turnirning asosiy favoriti hisoblanayotgan edi.

Yarimfinalda Ispaniya Fransiyani 2:0 hisobida mag‘lub etdi. Argentina esa Angliya ustidan 2:1 hisobida ustun keldi.

2026-yilgi FIFA Jahon chempionati AQSH, Kanada va Meksikada bo‘lib o‘tmoqda. Musobaqa tarixida ilk bor unda 48 ta terma jamoa ishtirok etmoqda. Amaldagi Jahon chempioni esa Argentina hisoblanadi.