«Барселона» раҳбари Жоан Лапорта Испания ва Аргентина терма жамоалари ўртасидаги Жаҳон чемпионати финали арафасида Ламин Ямалнинг ҳолати ҳақидаги саволга жавоб берди.
«Кўк-анорранглилар»нинг 19 ёшли вингери «қизил фурия»нинг яқинда ўтказилган машғулотларини ўтказиб юборди, бу эса унинг соврин учун кечадиган ҳал қилувчи баҳсда иштирок этиши бўйича шубҳаларни келтириб чиқарган эди.
«Ламин бизга ўзини яхши ҳис қилаётганини ва финалда ўйнашга тайёр эканини айтди», — дея испаниялик мухлисларни тинчлантирди Лапорта.
Испаниянинг Аргентинага қарши учрашуви 19 июль куни бўлиб ўтади, ўйин Тошкент вақти билан 00:00 да (20 июль) бошланади.
Ламин Ямаль ЖЧ-2026 доирасида еттита ўйинда майдонга тушиб, битта гол муаллифига айланди.
