Англия терма жамоаси ярим ҳимоячиси Морган Рожерс ижтимоий тармоқлар орқали Жаҳон чемпионати-2026 ярим финалида Аргентинадан учралган мағлубият ҳақида ўз фикрларини билдирди.
«Бутунлай вайрон бўлдик. Жамоа шунчалик узоққа етиб келиш учун кўп меҳнат қилди, аммо ҳаммаси катта оғриқ билан якунланди. Мухлисларимизга мусобақа давомида қўллаб-қувватлагани учун миннатдорчилик билдирмоқчиман. Биз ҳали қайтамиз. Мен ўз орзумни амалга ошириб, мундиалда Англия шарафини ҳимоя қилдим», — дейилади ярим ҳимоячининг ижтимоий тармоқлардаги хабарида.
Эслатиб ўтамиз, Англия Аргентинага 1:2 ҳисобида имкониятни бой берди. Томас Тухель шогирдлари учинчи ўрин учун кечадиган баҳсда Франция терма жамоасига қарши майдонга тушади.
