Франкфуртнинг «Айнтрахт» клуби ярим ҳимоячиси Хуго Ларссон Англия Премьер-лигаси клубларида қизиқиш уйғотмоқда.

Журналист Стив Кейнинг хабар беришича, «Манчестер Юнайтед» швециялик футболчининг вакиллари билан аллақачон боғланган, шунингдек, 22 ёшли ўйинчига «Ньюкасл» ҳам кўз тикмоқда. Шунга қарамай, ҳозирча футболчи бўйича расмий таклифлар келиб тушмаган. «Айнтрахт» 2029 йилгача мўлжалланган шартномага эга ярим ҳимоячи билан хайрлашишга унчалик иштиёқманд эмас.

Transfermarkt баҳосига кўра, Хуго Ларссоннинг бозор қиймати 28 миллион еврони ташкил этади. Ўтган мавсумда скандинавиялик футболчи Франкфурт жамоаси сафида барча турнирларда 34 та ўйин ўтказиб, иккита гол урган ва учта голли узатмани амалга оширган.