Frankfurtning «Ayntraxt» klubi yarim himoyachisi Xugo Larsson Angliya Premyer-ligasi klublarida qiziqish uyg‘otmoqda.

Jurnalist Stiv Keyning xabar berishicha, «Manchester Yunayted» shvesiyalik futbolchining vakillari bilan allaqachon bog‘langan, shuningdek, 22 yoshli o‘yinchiga «Nyukasl» ham ko‘z tikmoqda. Shunga qaramay, hozircha futbolchi bo‘yicha rasmiy takliflar kelib tushmagan. «Ayntraxt» 2029 yilgacha mo‘ljallangan shartnomaga ega yarim himoyachi bilan xayrlashishga unchalik ishtiyoqmand emas.

Transfermarkt bahosiga ko‘ra, Xugo Larssonning bozor qiymati 28 million yevroni tashkil etadi. O‘tgan mavsumda skandinaviyalik futbolchi Frankfurt jamoasi safida barcha turnirlarda 34 ta o‘yin o‘tkazib, ikkita gol urgan va uchta golli uzatmani amalga oshirgan.