«Рома» афсонавий футболчиси Франческо Тотти 2026 йилги жаҳон чемпионатида ўзини ёрқин кўрсатган бир неча ўйинчини ажратиб кўрсатди.
«Асосий қаҳрамонлар: Месси, Мбаппе, Холанд, Беллингем ва Кейн. Улар натижа кўрсатишди ва ўз терма жамоаларига имкон қадар узоқроққа боришга ёрдам беришди», — деди собиқ ҳужумчи YouTube каналига берган интервьюсида.
Жаҳон чемпионати финалида Аргентина ва Испания терма жамоалари тўқнаш келади. Учрашув якшанба, 19 июль куни бўлиб ўтади.
Эслатиб ўтамиз, аргентиналиклар амалдаги жаҳон чемпионлари ҳисобланади. 2022 йилги мундиал финалида «албиселесте» Францияни пенальтилар сериясида мағлуб этган эди.
