Дортмунднинг «Боруссия» клуби қанот ҳужумчиси Карим Адейеми «Барселона»га ўтиш учун тиббий кўрикдан муваффақиятли ўтди. Шунингдек, 24 ёшли вингер каталонияликлар билан беш йиллик шартнома имзолади. Бу ҳақда AS нашри хабар бермоқда.
Манбага кўра, Адейеми трансфери ҳақида 18 июль, шанба куни эълон қилиниши режалаштирилган. Шу куниёқ немис футболчиси «кўк-анорранглилар» сафида илк машғулотини ўтказиши мумкин. Бироқ футболчининг расмий тақдимоти «Барселона» раҳбарияти АҚШдан қайтганидан сўнг, яъни келгуси ҳафтадан олдин бўлиб ўтмайди.
Қайд этилишича, каталонияликлар Адейеми учун 22 миллион евро ва 7 миллион евро бонуслар кўринишида тўлайди.
