Родри Эрнандес Жаҳон чемпионати-2026 да майдоннинг сўнгги учдан бир қисмига (финал учинчисига) берилган узатмалар сони бўйича пешқадамга айланди. Бу ҳақда Squawka статистик портали ҳисоб-китоблари гувоҳлик бермоқда.

Испания терма жамоаси ярим ҳимоячиси 173 та узатма билан биринчи ўринда бормоқда. Иккинчи ўринни унинг жамоадоши Педри (165) эгаллаган бўлса, кучли учликни аргентиналик Энцо Фернандес (153) якунлаб берди.

Шунингдек, кучли ўнталикдан аргентиналик Лионель Месси (146), франциялик Майкл Олисе (143), аргентиналик Леандро Паредес (134), швейцариялик Гранит Жака (130), канадалик Стивен Эуштакиу (114), испаниялик Марк Кукурелья (113) ва норвегиялик Мартин Эдегор (109) жой олишди.