Мадриднинг «Реал» клуби марказий ҳимоячиси Дин Хёйсен жамоанинг янги бош мураббийи Жозе Моуриньода катта таассурот қолдирди.

Diario AS хабарига кўра, 21 ёшли футболчининг Испания терма жамоасининг ЖЧ-2026 учун қайдномасига киритилмагани уни қаттиқ ғазаблантирган ва янада руҳлантирган. Марказий ҳимоячи таътил давомида қаттиқ меҳнат қилган ва мавсумолди тайёргарликнинг дастлабки кунларидаёқ Моуриньони ўз жисмоний ҳолати билан ҳайратда қолдирган. Футболчи «қироллик клуби»даги дебют мавсумини унчалик муваффақиятли ўтказмаганини билади, шу боис португалиялик мутахассис қўл остида ўзини кўрсатишга интилмоқда.

Дин Хёйсен «Реал»га ўтган йили Англиянинг «Борнмут» клубидан ўтган эди. Испаниялик ҳимоячининг «қаймоқранглилар» билан тузган шартномаси 2030 йилга қадар мўлжалланган.