«Лидс» ўз расмий сайтида трансфер ҳақида эълон қилди. Марказий ҳимоячи Тарик Мухаремович Италиянинг «Сассуоло» клубидан Англия клубига кўчиб ўтди. 23 ёшли Мухаремович беш йиллик шартномага имзо чекди. Трансфер суммаси ошкор этилмаяпти.
Тарик Мухаремович Босния ва Герцеговина миллий терма жамоаси аъзоси ҳисобланади. Шу ёз ҳимоячи Жаҳон чемпионатида иштирок этди.
«Лидс» ўтган мавсумда Англия Премьер-лигасида 14-ўринни эгаллаб, элитадаги ўрнини сақлаб қолганди. Келаси чемпионатнинг биринчи турида «товус»лар сафарда «Ноттингем Форест»га қарши баҳс олиб боради. Ўйин 22 август куни бўлиб ўтади.
