Лондоннинг «Арсенал» клуби «РБ Лейпциг» вингери Ян Диомандени ўз сафига қўшиб олиш имкониятини ўрганмоқда.
Яқинда «канопчилар» вакиллари 19 ёшли футболчининг агентлари билан боғланиб, бошқа гранд клубларнинг жиддий қизиқишини ҳисобга олган ҳолда, ивуарлик футболчини жалб қилиш имконияти қанчалик юқори эканини аниқлаштиришди. Бу ҳақда инсайдер Фабрицио Романо хабар бермоқда. Таъкидланишича, лондонликлар вазиятга ойдинлик киритиш мақсадида бир неча бор қўнғироқ қилишган.
Ян Диоманде учун даъвогарлар қаторида «ПСЖ», «Ливерпуль» ва Мадриднинг «Реал» клублари тилга олинмоқда. Transfermarkt портали вундеркинднинг нархини 90 миллион еврога баҳоламоқда, бироқ «РБ Лейпциг» ўз юлдузини сақлаб қолмоқчи ва миш-мишларга кўра, 120 миллион евродан ортиқ маблағ талаб қилмоқда.
