«Пари Сен-Жермен» «Борнмут» ҳужумчиси Эли Жуниор Крупини ўз таркибига қўшиб олишни мақсад қилган.

PSG Report хабарига кўра, парижликлар агар «гилосчилар» футболчининг нархини ҳозирги 100 миллион евродан 80–85 миллион еврогача туширишса, ушбу франциялик футболчи бўйича музокараларни бошлашга тайёр. «ПСЖ» мураббийи Луис Энрике 20 ёшли футболчининг истеъдодини юқори баҳолайди ва уни ўз жамоасида Ян Диоманде ҳамда клуб билан боғланаётган бошқа қимматбаҳо ўйинчилардан кўра кўпроқ кўришни истайди.

Эли Жуниор Крупи хизматига «Тоттенхэм», «Арсенал», «Челси» ва «Барселона» клублари ҳам қизиқиш билдирмоқда. Ўтган Премьер-лига мавсумида ёш ҳужумчи «Борнмут» сафида 33 та ўйинда майдонга тушиб, 13 та гол уришга муваффақ бўлган.