Англия терма жамоаси бош мураббийи Томас Тухель ЖЧ-2026 доирасида Францияга қарши ўтказилган учинчи ўрин учун баҳс олдидан ярим ҳимоячи Кобби Майну олган жароҳати ҳақида маълумот берди.
Инглизлар «уч ранглилар» устидан ғалаба қозониб (6:4), жаҳон чемпионатининг бронза медалларини қўлга киритди. «Манчестер Юнайтед»нинг 21 ёшли хавбеки эса жароҳати сабабли ўйинни ўтказиб юборди.
«Кобби кеча эрталаб бўлиб ўтган сўнгги машғулотда жароҳат олди. У белида кучли оғриқ ҳис қилди», — дея Тухелнинг ўйиндан кейинги интервьюсидан иқтибос келтиради UtdReport.
Майну «уч шерлар» сафида бутун турнир давомида майдонга тушмаган ягона майдон ўйинчиси бўлиб қолди. Аввалроқ у «уч шерлар»нинг барча ўйинларида захирада қолган эди.
