Мексика президенти Клаудия Шейнбаум 2026 йилги жаҳон чемпионати финалига ташриф буюради. У АҚШга мамлакат мудофаа вазирлигига қарашли самолётда жўнаб кетди.
Давлат раҳбарини бундай қадамга қўл уришга об-ҳаво шароити туфайли авиарейсларнинг бекор қилиниши мажбур қилди. АҚШда ўрмон ёнғинлари авж олган ва шаҳарларни тутун қоплаган.
«Об-ҳаво шароити ва авиарейсларнинг бекор қилиниши сабабли, президент Клаудия Шейнбаум бугун кечқурун президент Трампнинг таклифига биноан ЖЧ-2026 финалида иштирок этиш учун мудофаа вазирлигининг самолётида Нью-Йоркка жўнаб кетди», — дея хабар берди Мексика ҳукумати Х ижтимоий тармоғида.
Эслатиб ўтамиз, Мексика АҚШ ва Канада билан бир қаторда мундиалга мезбонлик қилувчи учта давлатдан бири ҳисобланади.
Аввалроқ ФИФА тутун туфайли финални бекор қилиш эҳтимоли юзасидан Оқ уй вакиллари билан учрашув ўтказиши ҳақида хабар берилган эди, бироқ ҳозирча бу борада ҳеч қандай янгилик йўқ.
