Англия терма жамоаси собиқ ҳужумчиси Уэйн Руни Лионель Мессининг жаҳон чемпионатидаги иккинчи ғалабаси барча даврларнинг энг яхши футболчиси ҳақидаги баҳсларни ёпади деб ҳисоблайди.
Бугун таркибида 39 ёшли ҳужумчи бўлган Аргентина ЖЧ-2026 финалида Испанияга қарши майдонга тушади.
«Агар Аргентина жаҳон чемпионатида ғолиб чиқса, Месси ҳар қандай саволларга чек қўяди, шундай эмасму? Унинг барча даврларнинг энг буюк футболчиси эканлиги борасида.
Менимча, ҳатто Роналдунинг мухлислари ҳам буни ҳурмат қилишлари керак…
Мен доимо уларнинг исталганини танлаш мумкинлигини айтганман, лекин Мессининг ушбу жаҳон чемпионатида қилган ишлари ҳақида ўйлаб кўрсангиз... Ўтган сафаргисида ва бунисида, 39 ёшида. Бу барча баҳс-мунозараларга нуқта қўяди», – деди ўз вақтида «Манчестер Юнайтед»да Роналду билан бирга тўп сурган Руни.
