«Астон Вилла» матбуот хизмати «Вулверхэмптон» ярим ҳимоячиси Жоао Гомеснинг ўтганини эълон қилди.
25 ёшли футболчи билан тузилган шартнома тафсилотлари очиқланмаяпти. ОАВ маълумотларига кўра, трансфер суммаси 40 миллион еврони ташкил этган. Яна беш миллион еврони «Вулверхэмптон» бонуслар сифатида олиши мумкин. Шу тариқа, ушбу ўтиш «Астон Вилла» тарихидаги бешинчи энг қиммат трансферга айланди.
2025/26 йилги мавсумда Жоао Гомес «Вулверхэмптон» сафида барча турнирларда 41 та ўйин ўтказиб, уларда битта гол урди ва учта голли узатмани амалга оширди. шунингдек, ярим ҳимоячи ҳисобида Бразилия терма жамоаси сафида ўтказилган ўнта ўйин бор.
