Туркия Президенти Режеп Таййип Эрдўғон Шимолий Америкада якунланган Жаҳон чемпионати – 2026 да Испания миллий терма жамоасининг зафарига ўз муносабатини билдирди.
«Турнирда ғалаба қозонган Испания терма жамоасига ўз табрикларимни йўллайман. Бутун испан халқини қутлайман ва энг самимий тилакларимни жўнатаман», — дейилади президентнинг ижтимоий тармоқдаги хабарида.
Мундиалнинг финал учрашувида испанлар Аргентина терма жамоаси устидан 1:0 ҳисобида ғалаба қозонишди. «Қизил фурия» ягона голни экстра-таймда ҳужумчи Ферран Торреснинг ҳаракатлари эвазига киритди.
Испания терма жамоаси ўз тарихида иккинчи марта Жаҳон чемпиони унвонини қўлга киритди. Биринчи зафар 2010 йили Жанубий Африка Республикасида бўлиб ўтган мундиалда қўлга киритилган эди.
