«Барселона» 18 ёшли вингер Йессе Бисиву трансферини якунлади. Каталония клуби «Брюгге» вингери учун 8,5 миллион евро тўлайди. Шунингдек, Бельгия клуби ёш футболчининг кейинги сотувидан 20 фоиз улуш олади. Бу ҳақда машҳур инсайдер Фабрицио Романо хабар бермоқда.
Бисиву «Брюгге»нинг асосий жамоаси таркибида бирорта ҳам ўйин ўтказмаган, аммо ўтган мавсумни Бельгия клубининг ёшлар жамоасида анча муваффақиятли ўтказди. Ҳужумчи ҳисобида барча турнирлардаги 23 та ўйинда учта гол ва битта голли узатма бор.
Эслатиб ўтамиз, Испания Ла Лигасининг янги мавсуми 15 август куни бошланади.
