Бразилия терма жамоасининг собиқ ярим ҳимоячиси Кака мамлакат футболида узоқ муддатли ривожланиш лойиҳасини йўлга қўйиш зарурлигини таъкидлади.
"Жаҳон чемпионатидаги воқеалар ортда қолаётганимизни кўрсатмоқда. Иш услубимизни қайта қуриш Бразилия футбол конфедерацияси ташаббусни ўз қўлига олиб, клубларни бирлаштиришидан бошланиши керак.
Узоқ муддатли лойиҳа ҳақида ўйлашимиз, ёшлар футболини қандай ривожлантириш ва футболчиларни асосий терма жамоага қандай тайёрлашни аниқ белгилаб олишимиз зарур.
Масалан, Марокаш лойиҳаси ҳақида кўп маълумотга эга эмасман, аммо эшитганларимга қараганда, улар бу тизим устида йиллардан бери ишламоқда. Ёшлар терма жамоаларидан асосий жамоага футболчилар етказиб берилмоқда.
Франция ва Испания ҳам биз учун яхши намуна. Ёшлар футболидан асосий терма жамоагача бўлган тизимга эътибор қаратишимиз керак.
Биз ҳамма нарсани ҳар томонлама таҳлил қилиб, келажак учун узоқ муддатли лойиҳа ҳақида ўйлашимиз зарур", — деди Кака.
Эслатиб ўтамиз, Бразилия ЖЧ–2026 нимчорак финалида Норвегияга мағлуб бўлиб, турнирни тарк этган эди.
