Испания терма жамоаси ярим ҳимоячиси Дани Ольмо 2026 йилги жаҳон чемпионатидаги ғолибликни изоҳлади. Футболчи ўз ижтимоий тармоқларида пост қолдирди.
«Бу бизнинг иккинчи юлдузимиз. Ҳаммангизнинг қўллаб-қувватлашингизсиз бунинг имкони йўқ эди. Буни мен ҳеч қачон унутмайман. Барчага меҳр учун раҳмат, бирга бўлганингиз учун раҳмат олға, Испания!», — дейилади футболчининг ижтимоий тармоқдаги хабарида.
Мундиалнинг финал баҳсида Испания терма жамоаси Аргентина миллий жамоаси билан баҳс олиб борди. Луис де ла Фуэнте шогирдлари 1:0 ҳисобида минимал ғалабани байрам қилишди. Ягона гол муаллифи ҳужумчи Ферран Торрес бўлди.
