Бразилиялик ярим ҳимоячи Фабиньо шартнома муддати тугагани сабабли Саудия Арабистонининг «Ал-Иттиҳод» клубини тарк этмоқда. Бу ҳақда инсайдер Бен Жейкобс ижтимоий тармоқлар орқали хабар берди.
Журналистнинг маълумотларига кўра, 32 ёшли футболчи жамоани тарк этади, чунки клуб янада ёш ўйинчиларга эътибор қаратишга қарор қилган. Фабиньо «Ал-Иттиҳод» сафида 2023 йилнинг ёзидан буён тўп тепиб келаётган эди. У саудияликлар жамоаси таркибида умумий ҳисобда 111 та учрашув ўтказиб, еттита голга муаллифлик қилган.
Саудия Арабистони чемпионатининг ўтган мавсумида «Ал-Иттиҳод» 55 очко жамғариб, турнир жадвалида бешинчи ўринни эгаллади.
