Braziliyalik yarim himoyachi Fabinyo shartnoma muddati tugagani sababli Saudiya Arabistonining «Al-Ittihod» klubini tark etmoqda. Bu haqda insayder Ben Jeykobs ijtimoiy tarmoqlar orqali xabar berdi.
Jurnalistning ma’lumotlariga ko‘ra, 32 yoshli futbolchi jamoani tark etadi, chunki klub yanada yosh o‘yinchilarga e’tibor qaratishga qaror qilgan. Fabinyo «Al-Ittihod» safida 2023 yilning yozidan buyon to‘p tepib kelayotgan edi. U saudiyaliklar jamoasi tarkibida umumiy hisobda 111 ta uchrashuv o‘tkazib, yettita golga mualliflik qilgan.
Saudiya Arabistoni chempionatining o‘tgan mavsumida «Al-Ittihod» 55 ochko jamg‘arib, turnir jadvalida beshinchi o‘rinni egalladi.
