Уругвайлик ҳимоячи Рональд Араухо «Барселона»ни тарк этиши мумкин. Бу ҳақда AS журналистлари хабар бермоқда.
Манбанинг маълумотларига кўра, «кўк-анорранглилар» шартномаси 2031 йилнинг ўрталаригача мўлжалланган футболчи билан хайрлашишга тайёр. «Барселона» Араухони агар футболчининг ўзи хоҳласа ва яхши таклиф келиб тушса, қўйиб юборади.
Испания Ла Лигасининг ўтган мавсумида Рональд 24 та учрашув ўтказиб, 3 та гол урди, 3 та сариқ карточка олди ва икки марта майдондан четлатилди. Ҳимоячининг бозор қиймати 20 миллион еврога баҳоланмоқда. Уругвайлик футболчи каталонияликлар сафида 2020 йилнинг октябридан буён тўп тепиб келмоқда.
