Ҳужумчи Жошуа Зиркзе фаолиятини яна Италия чемпионатида давом эттириши мумкин.
La Gazzetta dello Sport хабарига кўра, туринликлар шорт-листидан нидерландиялик футболчи жой олган. «Ювентус» бош мураббийи Лучано Спаллетти узоқ вақтдан буён форварднинг ўйин услуби ва истеъдодини юқори баҳолаб келади. «Манчестер Юнайтед» ўз футболчисини 35–40 миллион евро эвазига сотишга тайёр, бироқ инглиз клуби музокараларда турли вариантларни ҳам кўриб чиқишга қарши эмас.
Маълумот учун, Зиркзее 2024 йилда «Болонья»дан 42 миллион евро эвазига «Манчестер Юнайтед» сафига кўчиб ўтган эди. Унинг «қизил иблислар» билан амалдаги шартномаси 2029 йилнинг 30 июнига қадар мўлжалланган. Ҳужумчи 2025/26 йилги мавсумда инглиз клуби сафида барча турнирларда 26 та учрашувда майдонга тушиб, ўз ҳисобига 2 та гол ва 1 та голли узатмани ёздириб қўйган.
