Неймар «Сантос» ўйинини ўтказиб юборди ва покер турнирида иштирок этди.

22 июлга ўтар кечаси «Сантос» Судамерика кубоги доирасидаги сафар ўйинида Венесуэланинг «УСВ» клубини мағлуб этди (4:1). Жаҳон чемпионатидан кейинги таътилдан Бразилия клуби ихтиёрига қайтган Неймар мураббийлар штабининг қарорига кўра жамоа билан ўйинга бормади, чунки у якка тартибдаги дастур бўйича машғулот ўтказмоқда.

Goal нашрининг ESPN Brazil’га таяниб хабар беришича, «Сантос» ўйини бўлиб ўтган куни Неймар Сан-Паулуда Бразилия покер серияси (BSOP) турнирида қатнашган.

Қайд этилишича, ўтган йили бразилиялик ҳужумчи ушбу турнирда 53 500 реал (9 239 евро) ишлаб олган эди.