«Тоттенхэм Хотспур» бош мураббийи Роберто Де Дзерби клуб сафига келиб қўшилган янги футболчилар ҳақида фикр билдирди. Мавсумлараро танаффусда жамоа таркибини дарвозабон Мартин Дубравка, ҳимоячилар Эндрю Робертсон, Маркос Сенеси, Ян Паул ван Хекке ҳамда ярим ҳимоячилар Матеуш Фернандеш ва Сандро Тонали тўлдирди.
«Албатта, Тонали, Матеуш Фернандеш, Сенеси, Робертсон ва Жей Пи ван Хекке — уларнинг барчасида футболчи сифатида жуда муҳим маҳорат ва фазилатлар борлиги шубҳасиз. Лекин энг муҳими — уларнинг инсоний фазилатлари ва шахсият даражасидир.
Ўтган мавсумда биз характер ва тўғри руҳият кўрсатган ҳолда ўз олдимизга қўйилган мақсадга эришдик деб ўйлайман. Энди эса ўйин услубимизни, ўйин сифатини ва майдондаги ташкилотчиликни янада яхшилашимиз керак», — дейди Де Дзерби клуб расмий сайтига берган интервьюсида.
