АҚШ расмийлари футбол бўйича жаҳон чемпионати ўйинларини ноқонуний тарқатишга қарши кенг кўламли операция ўтказди. Бу ҳақда АҚШ Адлия вазирлиги маълум қилди.
«АҚШ Адлия вазирлиги муаллифлик ҳуқуқи тўғрисидаги Америка қонунчилигини бузган ҳолда, ФИФА жаҳон чемпионати финал босқичи ўйинларини рухсатсиз трансляция қилишда фойдаланилган бир мингдан ортиқ доменларнинг муваффақиятли мусодара қилинганини эълон қилади», — дейилади вазирлик сайтидаги баёнотда.
Идора маълумотларига кўра, ушбу сайтлардан ЖЧ-2026 финал босқичи ўйинларини ҳуқуқ эгаларининг рухсатисиз ва муаллифлик ҳуқуқи тўғрисидаги қонунларни бузган ҳолда намойиш этишда фойдаланилган. Доменларни мусодара қилиш учта алоҳида операция доирасида амалга оширилди. Улардан бири июнь ойи охирида ўтказилиб, унда расмийлар 400 га яқин ресурсга киришни ёпиб қўйган эди.
