AQSH rasmiylari futbol bo‘yicha jahon chempionati o‘yinlarini noqonuniy tarqatishga qarshi keng ko‘lamli operasiya o‘tkazdi. Bu haqda AQSH Adliya vazirligi ma’lum qildi.
«AQSH Adliya vazirligi mualliflik huquqi to‘g‘risidagi Amerika qonunchiligini buzgan holda, FIFA jahon chempionati final bosqichi o‘yinlarini ruxsatsiz translyasiya qilishda foydalanilgan bir mingdan ortiq domenlarning muvaffaqiyatli musodara qilinganini e’lon qiladi», — deyiladi vazirlik saytidagi bayonotda.
Idora ma’lumotlariga ko‘ra, ushbu saytlardan JCH-2026 final bosqichi o‘yinlarini huquq egalarining ruxsatisiz va mualliflik huquqi to‘g‘risidagi qonunlarni buzgan holda namoyish etishda foydalanilgan. Domenlarni musodara qilish uchta alohida operasiya doirasida amalga oshirildi. Ulardan biri iyun oyi oxirida o‘tkazilib, unda rasmiylar 400 ga yaqin resursga kirishni yopib qo‘ygan edi.
