Аргентиналик ярим ҳимоячи Валентин Барко «Страсбург»ни тарк этади ва фаолиятини Англияда давом эттиради. Бу ҳақда ижтимоий тармоқлар орқали нуфузли инсайдер Фабрицио Романо хабар бермоқда.
22 ёшли ярим ҳимоячининг янги иш жойи Лондоннинг «Челси» клуби бўлади. Томонлар битимни тўлиқ келишиб олишди. Барконинг трансфери ҳақида яқин кунларда расман эълон қилинади.
Валентин яқинда бўлиб ўтган ЖЧ-2026да Аргентина терма жамоаси қайдномасидан ўрин олган эди. У Иордания терма жамоасига қарши кечган баҳсда (3:1) майдонга тушди.
Франция чемпионатининг 2025/2026 йилги мавсумида Барко 27 та ўйинда майдонга тушган. Ярим ҳимоячи ўз ҳисобига 2 та гол ва 4 та голли узатма ёзиб қўйган.
