«Барселона» президенти Жоан Лапорта ҳужумчи Ферран Торреснинг клубни тарк этиши мумкинлиги ҳақида фикр билдирди.

26 ёшли футболчига сўнгги вақтларда «ПСЖ» томонидан жиддий қизиқиш билдирилаётгани ҳақида хабарлар тарқалган эди. Жорий жаҳон чемпионининг амалдаги шартномаси тугашига бир йилдан кам вақт қолди. Лапорта форварднинг келажаги борасидаги саволга тўғридан-тўғри жавоб бермади, аммо Торресга ўринбосар бўлиши кутилаётган Карим Адейеми трансфери тез орада якунланишини тасдиқлади.

— Мухлислар Ферраннинг кетиши мумкинлигидан хавотирга тушишлари керакми?

— «Биз шунчаки Адейемининг агенти Жорже Мендеш билан кечки овқатни бирга тановул қилдик», — дея «кўк-анорранглилар» раҳбарининг сўзларини келтиради Barca Universal.

Лапортанинг сўзларига кўра, Адейеми пайшанба куниёқ клубнинг янги аъзоси сифатида оммага таништирилади.