Лондоннинг «Арсенал» клуби «Ньюкасл» билан ярим ҳимоячи Бруно Гимараэс трансфери бўйича музокаралар олиб бормоқда.
«Канонирлар» «қарғалар»га яхшиланган таклиф билан чиқишди: Лондон клуби 80 миллион евро ва футболчининг муваффақиятларига боғлиқ бўлган яна 5 миллион евро бонус тўлашга тайёр, деб хабар беради RTI Esporte. Аввалроқ бразилиялик футболчининг ўзи ҳам Англиянинг амалдаги чемпиони сафига кўчиб ўтиш истагида экани ҳақида хабар берилган эди.
Transfermarkt талқинига кўра, Бруно Гимараэснинг бозор қиймати 70 миллион еврони ташкил этади, хавбекнинг амалдаги шартномаси эса 2028 йилгача мўлжалланган. Ўтган мавсумда 28 ёшли футболчи «Ньюкасл» сафида 41 та ўйинда майдонга тушиб, 9 та гол урди ва 8 та голли узатмага муаллифлик қилди.
