Мюнхеннинг «Бавария» клуби ярим ҳимоячиси Майкл Олисе ўзига янги уй қидирмоқда.

Bild нашри маълумотларига кўра, таътилдан сўнг франциялик футболчи Мюнхендан янги хонадон топишига тўғри келади. Футболчи 2024 йилнинг сентябрь ойидан бери «Бавария»нинг собиқ ҳимоячиси Жером Боатенгнинг Грюнвальддаги вилласини ижарага олиб яшаб келаётган эди. Бу вилла «Бавария» стадионидан атиги ўн дақиқалик масофада жойлашган. Виллада ўнта хона, фитнес зали, уй кинотеатри, вино ертўласи ҳамда жакузи, сауна ва очиқ ҳавзани ўз ичига олган соғломлаштириш ҳудуди мавжуд.

Эндиликда Боатенг ўзининг ушбу ҳашаматли кўчмас мулкини сотмоқчи, шу сабабли Олисе август ойи охиригача уйни тарк этишига тўғри келади.