Mundo Deportivo хабарига кўра, «Барселона» ярим ҳимоячиси Фермин Лопес жароҳатдан сўнг тикланишнинг якуний босқичига қадам қўйди ва майдонга қайтишга яқинлашмоқда.
Манбага кўра, 23 ёшли испаниялик футболчи 2025/26 йилги мавсум охирида ўнг оёқ кафт суяги синганидан сўнг муваффақиятли тикланмоқда ва энди Ханс-Дитер Флик жамоаси билан Англиядаги мавсумолди йиғинига йўл олишдан умидвор.
Жароҳат сабабли Испания терма жамоаси аъзоси ЖЧ-2026 ни ўтказиб юборишга мажбур бўлган эди.
Лопес 2023 йилдан бери «Барселона»да ўйнаб келмоқда ва у билан амалдаги шартнома 2031 йилнинг 30 июнига қадар мўлжалланган.
2025/26 йилги мавсумда футболчи 48 та ўйинда майдонга тушиб, 13 та гол урди ва 17 та голли узатмани амалга оширди.
