Ҳар йили янги мавсум остонасида турли манбалар АПЛ ва бошқа лигалар клублари оладиган мукофот пуллари миқдори билан бизни қайта-қайта ҳайратда қолдиради. Бу сафар Англия ва Испания Ла Лигаси кўрсаткичлари ўзаро солиштирилди.

АПЛнинг улкан ТВ-шартномаси ва ҳомийлик ажратмалари клубларга 3,148 миллиард фунтлик катта маблағни ўзаро бўлишиб олиш имконини беради. Ўтган мавсум чемпиони «Арсенал» роса 198,7 миллион фунт ишлаб топди, иккинчи ва учинчи ўрин соҳиблари — «Манчестер Сити» ҳамда «Манчестер Юнайтед» эса бироз камроқ: «жами» 192,5 миллион ва 191,5 миллион фунтга эга бўлишди.

Ла Лигадаги умумий мукофот жамғармаси АПЛникидан икки баравардан ҳам камроқ — 3,148 миллиардга қарши 1,435 миллиард евро. Чемпион «Барселона» 160,3 миллион олади, бу Англиянинг 10-жамоаси «Брентфорд» даражасига тўғри келади. «Реал Мадрид» ва «Атлетико» эса бундан ҳам камроқ — 153,6 миллион ва 127 миллион ишлаб топади.

Янада яққолроқ солиштирадиган бўлсак: АПЛнинг мутлақ аутсайдери «Вулверхэмптон» Чемпионлар лигасига йўлланма олган «Атлетик»дан (96,3 млн) кўпроқ маблағ (117,7 млн) олади.