Har yili yangi mavsum ostonasida turli manbalar APL va boshqa ligalar klublari oladigan mukofot pullari miqdori bilan bizni qayta-qayta hayratda qoldiradi. Bu safar Angliya va Ispaniya La Ligasi ko‘rsatkichlari o‘zaro solishtirildi.
APLning ulkan TV-shartnomasi va homiylik ajratmalari klublarga 3,148 milliard funtlik katta mablag‘ni o‘zaro bo‘lishib olish imkonini beradi. O‘tgan mavsum chempioni «Arsenal» rosa 198,7 million funt ishlab topdi, ikkinchi va uchinchi o‘rin sohiblari — «Manchester Siti» hamda «Manchester Yunayted» esa biroz kamroq: «jami» 192,5 million va 191,5 million funtga ega bo‘lishdi.
La Ligadagi umumiy mukofot jamg‘armasi APLnikidan ikki baravardan ham kamroq — 3,148 milliardga qarshi 1,435 milliard yevro. Chempion «Barselona» 160,3 million oladi, bu Angliyaning 10-jamoasi «Brentford» darajasiga to‘g‘ri keladi. «Real Madrid» va «Atletiko» esa bundan ham kamroq — 153,6 million va 127 million ishlab topadi.
Yanada yaqqolroq solishtiradigan bo‘lsak: APLning mutlaq autsayderi «Vulverxempton» Chempionlar ligasiga yo‘llanma olgan «Atletik»dan (96,3 mln) ko‘proq mablag‘ (117,7 mln) oladi.
