Ярим ҳимоячи Френки де Йонг тиззасидан анча жиддий жароҳат олди. «Барселона» аввалроқ нидерландиялик футболчининг боғламлари узилганини эълон қилган эди. Каталонияликлар де Йонгнинг сафдан қанча вақтга чиққани борасида ҳеч қандай маълумот беришмаганди.

AS нашри маълумотларига кўра, де Йонгга тикланиш учун беш ёки олти ой керак бўлади. Бу эса Френкининг катта эҳтимол билан фақат 2027 йилдагина майдонга қайтишини англатади.

Френки де Йонг «Барселона» сафида жами 297 та расмий ўйинда майдонга тушиб, ўз ҳисобига 20 та гол ва 31 та голли узатма ёздириб қўйган.

Эслатиб ўтамиз, «Барселона» Испаниянинг амалдаги чемпиони ҳисобланади.