ФИФА матбуот хизмати собиқ мексикалик дарвозабон Гильермо Очоага бағишланган пост эълон қилди. Эслатиб ўтамиз, яқинда футболчи расман бутсаларини михга илди.

«Жаҳон чемпионатлари тарихидаги ёши энг катта олтинчи ўйинчи ва турнирнинг ҳақиқий афсонаси. Бу йил ўзининг рекорд даражадаги олтинчи мундиалда иштирок этган мексикалик Гильермо Очоа футболдан кетишини эълон қилди. Нафақада сенга барча энг эзгу тилакларни тилаймиз, Гильермо!», — дейилади ташкилот матбуот хизмати хабарида.

Маълумот учун, Очоа Мексика терма жамоаси сафида 154 та ўйинда майдонга тушган, унинг фаолиятидаги сўнгги клуби Лимасолнинг АЕЛ жамоаси бўлди. У профессионал фаолиятидаги аксарият ўйинларини ўтказган «Америка» клуби тарбияланувчиси ҳисобланади. Шунингдек, у «Аяччо», «Малага», «Гранада», «Стандард» ва бошқа жамоалар шарафини ҳимоя қилган.