Англиянинг «Борнмут» клуби Аргентинанинг «Бока Хуниорс» жамоаси ярим ҳимоячиси Милтон Дельгадога қизиқиш билдирмоқда. 21 ёшли футболчи қишки трансфер ойнасида жамоанинг асосий нишонига айланиши мумкин.
Журналист Пабло Оливейранинг маълумотларига кўра, «Борнмут» аргентиналик футболчини диққат билан кузатмоқда ва январда таклиф юбориш имкониятини кўриб чиқмоқда.
Нархи 10–15 миллион еврога баҳоланаётган Дельгадо юқори сермаҳсуллиги билан ажралиб турмаса-да, ҳимоядаги меҳнаткашлиги, футбол интеллекти ва майдон марказидаги эркин ҳаракатлари учун юқори баҳоланади.
Дельгадога бўлган қизиқиш 2025 йилги ёшлар ўртасидаги Жаҳон чемпионатидан сўнг кескин ошди. У Аргентина терма жамоаси сафида турнир финалигача етиб борди ва мусобақанинг энг яхши футболчиларидан бири сифатида «Бронза тўп»ни қўлга киритди.
